పోలీస్ వ్యవస్థను మెరుగుపరచే నూతన విధానం “కామ్ కాప్”

• ట్రాఫిక్ కమిషనర్ షరీన్ బేగంను కలసిన శివార్యన్ రెడ్డి

కామ్‌కాప్‌ విస్తరణలో భాగంగా, సమాజ భద్రత, పబ్లిక్ కమ్యూనికేషన్, సాంకేతికతతో నడిచే పోలీసింగ్ వ్యవస్థలను మెరుగుపరచడంలో వినూత్న విధానాలను వివరించేందుకు విజయవాడ ట్రాఫిక్ కమిషనర్‌, డిసిపి షరీన్ బేగంను శనివారం కలిసినట్లు ఆ సంస్థ ఫౌండర్ ఏనుగు శివార్యన్ రెడ్డి తెలిపారు. ఆమె సానుకూలంగా స్పందించారని సంతోషం వ్యక్తం చేశారు. కామ్ కాప్ విజన్‌ గురించి తెలియజేయగా సమాజ భద్రతకు ఈ అవసరం ఎంతో ఉందని ఆమె ప్రోత్సహించినట్లు ఏనుగు శివార్యన్ రెడ్డి తెలిపారు.. సమర్థవంతమైన పారదర్శకమైన కమ్యూనికేషన్ ఛానెల్‌ను సృష్టించడం ద్వారా పౌరులకు చట్టాన్ని అమలు చేసే వారి మధ్య సంబంధాన్ని బలోపేతం చేయడానికి మంచి వేదిక ఏర్పడుతుందని ఆయన అన్నారు. ఫిర్యాదదారు రిపోర్టింగ్‌ను సులభతరం చేయడానికి, ట్రాఫిక్ నిర్వహణ అవగాహనను మెరుగు పరచడానికి, యువతలో ఎక్కువ పౌర భాగస్వామ్యాన్ని ప్రోత్సహించడానికి డిజిటల్ సాధనాలను ఉపయోగించు కోవడంపై ఈ చొరవ దృష్టి సారిస్తుందని షరీన్ బేగం వివరించినట్లు తెలిపారు.
ప్రత్యేకించి పట్టణ పాలనా సవాళ్లను పరిష్కరించడంలో యువ విద్యార్థులు చురుకుగా సహకరించడం, వారి ప్రాముఖ్యతను ఎత్తిచూపారు. సాంకేతికత డేటా ఆధారిత సిస్టమ్‌లు మెరుగైన ట్రాఫిక్ నియంత్రణకు ఎలా తోడ్పడతాయో అధికారులు ప్రజల మధ్య సమన్వయాన్ని ఎలా పెంచుతాయనే విషయాన్ని కూడా ఈ చర్చలో వచ్చిందని ఆయన వివరించారు. విద్యార్థులు అకడమిక్ శిక్షణ మించి ముందుకు వెళ్లగలరని వాస్తవ-ప్రపంచ పరిపాలనాపౌర సమస్యలకు నేరుగా పరిష్కారం లభిస్తుందనే ఆశాభావం వ్యక్తం చేశారు. కామ్ కాప్ ద్వారా తాము ఫంక్షనల్ ప్లాట్‌ఫారమ్‌ను నిర్మించడమే కాకుండా, విద్యార్థులు వివిధ కమ్యూనిటీల మధ్య సమాజ బాధ్యత, సహకారం ప్రజా సమస్యలను పరిష్కరించే సంస్కృతిని పెంపొందించడం లక్ష్యంగా పెట్టుకున్నట్లు ఏనుగు శివార్యన్ తెలిపారు.