స్వర్గీయ రియల్ స్టార్ శ్రీహరి తనయుడు మేఘాంశ్ శ్రీహరి హీరోగా నటిస్తున్న కొత్త సినిమా ‘స్టూడెంట్’. ఈ సినిమాలో విజేత పరీక్ హీరోయిన్ గా నటిస్తోంది. జోవికా సినిమాస్, చెరిష్ మీడియా వర్క్స్ బ్యానర్స్ పై బెల్లం సిద్ధారెడ్డి నిర్మిస్తున్నారు. బాలు తత్వమసి దర్శకత్వం వహిస్తున్నారు. బెల్లం సంగీత, బెల్లం బయ్యారెడ్డి కో ప్రొడ్యూసర్స్ గా వ్యవహరిస్తున్నారు. మంగళవారం “స్టూడెంట్” సినిమా నుంచి పవర్ ఫుల్ ఫస్ట్ లుక్ పోస్టర్ రిలీజ్ చేశారు. ఈ ఫస్ట్ లుక్ పోస్టర్ లో మేఘాంశ్ శ్రీహరి ఇంటెన్స్ లుక్ లో కనిపిస్తున్నారు. పవర్ స్టార్ సినిమాకు బ్యానర్స్ కట్టడం, జామెట్రీ బాక్స్ లోని డివైడర్ ను క్లాస్ లో కాకుండా ఫైట్స్ కు ఉపయోగించడం, కాల్చిన సిగరెట్, అందంగా లవ్ లెటర్స్ రాయడం..ఇలా స్టూడెంట్ లో లైఫ్ లో భాగమైనవన్నీ ఈ పోస్టర్ లో కనిపించి ఆకట్టుకుంటున్నాయి. ‘ధైర్యం ఉన్నవాడే తన వెంట అందరూ నడిచేలా చేసుకుంటాడు’ అని రాసిన కొటేషన్ హీరో డేరింగ్ క్యారెక్టర్ ను రిఫ్లెక్ట్ చేస్తుండగా.. ‘ఈ భాను గాడు అంతా చూసుకుంటాడు, నువ్వు లవ్ చేయి, తన్మయ్ లవ్స్ భాను..’ అని రాసిన మాటలు ఈ స్టూడెంట్ బ్యాక్ డ్రాప్ యాక్షన్ డ్రామాలో ఉన్న పవర్ ఫుల్ లవ్ స్టోరీని చూపిస్తున్నాయి. “స్టూడెంట్” సినిమా మేఘాంశ్ శ్రీహరి కెరీర్ కు ల్యాండ్ మార్క్ మూవీగా రాబోతుందనే అంచనాలు ఈ ఫస్ట్ లుక్ పోస్టర్ తో ఏర్పడుతున్నాయి. ఈ సినిమాకు సంబంధించిన మరిన్ని అప్డేట్స్ మేకర్స్ త్వరలో వెల్లడించనున్నారు.
నటీనటులు – మేఘాంశ్ శ్రీహరి, విజేత పరీక్, తదితరులు
టెక్నికల్ టీమ్:
వీఎఫ్ఎక్స్ సూపర్ వైజర్ – దీపక్ భూపతి
ప్రొడక్షన్ మేనేజర్ – కేఎల్ మదన్
కొరియోగ్రఫీ – ఈశ్వర్ పెంటి, రామ్ ఇసుకపాటి
అడిషనల్ స్క్రీన్ ప్లే – నగేష్ గుండపనేని
కాస్ట్యూమ్ డిజైనర్ – మైథిలీ సీత
ఆర్ట్ డైరెక్టర్ – రాజు చిరుపెల్లి
ఎగ్జిక్యూటివ్ ప్రొడ్యూసర్ – ఉదయ్ పెండ్యాల
స్టంట్స్ – రియల్ సతీష్
ఎడిటర్ – నరేష్ అడుపా, హరిశంకర్ టీఎన్
డీవోపీ – శ్రీనివాస్ బెజుగం
మ్యూజిక్ – ప్రేమ్ చంద్ కంచర్ల
కో ప్రొడ్యూసర్స్ – బెల్లం సంగీత, బెల్లం బయ్యారెడ్డి
ప్రొడ్యూసర్ – బెల్లం సిద్ధారెడ్డి
స్క్రిప్ట్, డైరెక్షన్ – బాలు తత్వమసి
మార్కెటింగ్ – హౌస్ ఫుల్ డిజిటల్
పీఆర్ఓ – సురేష్ (ఎస్ కె మీడియా)
